ଭୁବନେଶ୍ୱର: ବୁଧବାର ଓଡିଶା ସ୍କୁଲ ଏବଂ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ କହିଛନ୍ତି ଯେ ନଭେମ୍ବର ୧୫ ରୁ ଷଷ୍ଠ ଏବଂ ସପ୍ତମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ସ୍କୁଲ ଖୋଲିବ। ସ୍କୁଲ ଖୋଲିବାବେଳେ କରୋନାର ସମସ୍ତ ନିୟମ ପାଳନ କରାଯିବ। ହେଲେ ପ୍ରଥମରୁ ପଂଚମ ଶ୍ରେଣୀ ପିଲାଙ୍କ ସ୍କୁଲ କେବେ ଖୋଲାଯିବ ସେନେଇ ନିଷ୍ପତ୍ତି ନିଆଯାଇନଥିବା ସେ କହିଛନ୍ତି।
ସରକାରୀ ବିଜ୍ଞପ୍ତି ଅନୁଯାୟୀ, “ଷଷ୍ଠ ଏବଂ ସପ୍ତମ ଶ୍ରେଣୀ ବିଦ୍ୟାର୍ଥୀଙ୍କ ପାଇଁ ଶିକ୍ଷାଦାନ ସମୟ ସକାଳ ୯.୩୦ ରୁ ଅପରାହ୍ନ ୧.୦୦ ପର୍ୟ୍ୟନ୍ତ ରହିବ। ରବିବାର ଏବଂ ସାଧାରଣ ଛୁଟି ଯେମିତି ରହିବା କଥା ରହିବ। ଛାତ୍ରମାନଙ୍କୁ ସେମାନଙ୍କ ବାପା ମାଆଙ୍କ ପରାମର୍ଶରେ ଅନଲାଇନ୍ ମୋଡ୍ କିମ୍ବା ଅଫଲାଇନ୍ ମୋଡରେ କ୍ଲାସରେ ଯୋଗଦେବାକୁ ଅନୁମତି ଦିଆଯିବ।”
ଅଫଲାଇନ ମୋଡରେ ଛାତ୍ରମାନଙ୍କ ପାଇଁ ଉପସ୍ଥାନ ବାଧ୍ୟତାମୂଳକ ନୁହେଁ। ହଷ୍ଟେଲଗୁଡିକ ମଧ୍ୟ ଖୋଲିବାକୁ ଅନୁମତି ଦିଆଯାଇଛି ଏବଂ ହଷ୍ଟେଲ ମୁଖ୍ୟ ସୁନିଶ୍ଚିତ କରିବା ଉଚିତ ଯେ ହଷ୍ଟେଲ କରୋନା ନିୟମ ଅନୁଯାୟୀ ପରିଚାଳତି ହେବ । ଶୌଚାଳୟ ଏବଂ ଅନ୍ୟାନ୍ୟ ସୁବିଧା ଯେମିତି ରହିବ । ଏହି ସମୟରେ, ସମସ୍ତ ସ୍କୁଲ ଅଧିକାରୀ ବିଦ୍ୟାଳୟ ପରିଦର୍ଶନ କରିବାକୁ ନିର୍ଦ୍ଦେଶ ଦିଆଯାଇଛି ଏବଂ ବିଦ୍ୟାଳୟ ପରିସରରେ ଥିବା ବେଞ୍ଚ, ଡେସ୍କ ସମେତ ଶ୍ରେଣୀଗୃହକୁ ଭଲ ଭାବରେ ପରିଷ୍କାର କରାଯାଇଛି କି ନାହିଁ ଏହାର ତଦାରଖ କରିବେ ।
ରବିବାର ମନ୍ତ୍ରୀ ଦାଶ ସୂଚନା ଦେଇଥିଲେ ଯେ, କୋଭିଡ ପରିସ୍ଥିତିକୁ ଦେଖି ପର୍ୟ୍ୟାୟ କ୍ରମେ ସ୍କୁଲ ଖୋଲାଯିବ। ଉଲ୍ଲେଖଯୋଗ୍ୟ, ରାଜ୍ୟ ସରକାର ଅକ୍ଟୋବର ୨୧ ଏବଂ ଅକ୍ଟୋବର ୨୫ ପାଖରୁ ଅଷ୍ଟମରୁ ଏକାଦଶ ଶ୍ରେଣୀ ଯାଏ ସ୍କୁଲ ଖୋଲିବାକୁ ଅନୁମତି ଦେଇଥିଲେ। ଜୁଲାଇ ୨୬ରେ ଦଶମ ଏବଂ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ବିଦ୍ୟାଳୟ ଖୋଲିବାକୁ ଅନୁମତି ଦିଆଯାଇଥିଲା।
Wonderful analysis! Your insights are very enlightening. For more detailed information, check out: DISCOVER MORE. Keen to hear your views!
how can i buy priligy in usa rumalaya gabapentina vademecum dosis When it launched back in 2010, London Cocktail Week was envisaged as a trade show